الصبر بحدود
|
لا لا تحسب ان الصبر ماله حدود حبيت ابشرك ان صبري وصل حده |
|
دام الرجى منـك يازيـن مفقـود بصد واتمنى انك تبادلنـي بصـده |
|
وشلي انا بحـب يقيدنـي بلقيـود يلعن ابو هالحب ويلعن ابو جـده |
|
من صد عني والله ابادله بصـدود وقول له جعلهـا روحـه بـلا رده |
|
ممشي انا درب ادريبـه بمسـدود وباب يجيب الريح مجبوور اسـده |
|
ماحب كثر الكلام وكثـر الوعـود وحب من يقول القول وكون قـده |
|
ويومي عشقتك مهب لعيونك السود حسبتك الوافي من يصون المـوده |
|
مادريت ان الوفـى فيـك مفقـود وان صفات الخيانه منك مستبـده |
|
بنيت معك بنيان وبساس مشـدود وشفتك بعيني وانت نـاوي تهـده |
|
وبعد هاذا تبيني ارجع لك وعـود ورجع لبحر الـذل ابجـره ومـده |
|
لا ومثبت السما من غير عامـود لصد عنك صده لامابعدهـا صـده |
|
ودام الصبر يا منية الروح محدود حبيت ابشرك ان صبري وصل حده |