خيانه
|
بسـم ربً عالـم بهـم مبتليـنـي نويت اكتب مـن الابيـات عشريـن |
|
لك انتـي يالـي قدرتـي تتركينـي هذا الكلام الي لـه انتـي تسمعيـن |
|
حطيه فـي بالـك زيـن وفهمينـي حتـى لـو انـك عجزتـي تفهميـن |
|
لاماني بميـت لـو انـك هجرتينـي وماتنتهي الدنيـا لـو انـك تخويـن |
|
انا لو حبيت اعشق بلقـى الملاينـي لاكـن انتـي مثلـي ويـن بتلقيـن |
|
تدريـن شالمشكلـة بينـك وبينـي اني احب بحساس وانتـي تخدعيـن |
|
واني اذا حبيت احب بكـل مافينـي وانصدم في الي احبـه دوم بعديـن |
|
ورغم هذا جيتك حامل قلبـي بدينـي وعطيتك حب فوق ماكنتـي اتمنيـن |
|
وشفتـك بعينـي وانتـي تخونينـي حالك من حال غيرك همك علي تلعبين |
|
اموت واعرف ليه قلتي انك تحبينـي وانتي ماعمرك عرفتي كيف تحبيـن |
|
وليه قلتي انـك مستحيـل اتبيعينـي واشوفك لجل انسـان تافـه تبيعيـن |
|
فرق السمـا والارض بينـة وبينـي وشلون قدرتي تساوين بيننـا البيـن |
|
وش فيه زود عني تكفيـن علمينـي غير انة يكذب عليك وانتي تصدقيـن |
|
انا لوابكذب غصب عنك اتصدقينـي ومستعد اخليك مثل الخاتـم بالاديـن |
|
ولو حبيت انسفك قبـل ماتنسفينـي لنسفك وخليك على سواتـك تندميـن |
|
بس للاسف طبع النذاله ماهو بفيني ولاني الوافي حسبتك معـي توفيتـن |
|
هذا انا, وللاسف طبع الوفا مبتلينـي واطلب من الله انك بالوفـى تبتليـن |
|
وهذا كلامي كانك قدرتـي تفهمينـي مع اني ادري انك عجزتي تفهميـن |
|
بختصار روحي للي معـاه خنتينـي وبطلب من الله يهنيكم انتـو لثنيـن |
|
ولا ماني بميت لـو انـك هجرتينـي لا ماتنتهي الدنيا لـو انـك تخونيـن |